الشعر الشعبي العراقي

شعر عراقي خيانه و عتاب و فراق الحبيب

شعر عراقي عتاب

شعر عراقي حزين

شعر شعبي عراقي

شعر عراقي رومانسي – iraqi poem

دارمي عراقي

شعر عراقي غزل

شعر عراقي حب

شعر شعبي
شعر عراقي خيانه و عتاب و فراق الحبيب
اني راح انساج هسة
اي نسيت
شجان اسمج؟
قبل لاكلج وداعآ
عندي اخر شغلة يمج ..
رجعي لمساتي عفتهن فوك اديج ..
رجعي كل نظرة عليج ..
رجعي كل بوسة اعلة شفتج ..
رجعي اول يوم شفتج ..
حتى انسة بساع رسمج ..
رجعي كل كلمة كلتها
والله بس اوياج حاجي ..
رجعي كل كلمة شريفة
ضلت بأذنج تراجي ..
رجعي كل دمعة اعلمودج
والله بس اوياج باجي ..
يلله رجعيني ولد عمرة ما عاشك ابنية ..
رجعي ضحكت ولد شاعر جانت اتخبل علية ..
اني شفت الموت منج
عرفة ولفة اوية المنية ..
رجعي كل ليلة اعلمودج مانمتها ..
رجعي كل لحظة بعشرتج ضيعتها ..
رجعي كل شغلة اعلمودج عبرتها ..
يلله رجعيهن بسرعة
لا تهميني واهمج ..
انتي عفتيني ومشيتي
هاي ابد ما حسبتها ..
رجعي محبس جان بيدج
هاي روحي الرخصتها ..
رجعي كل وردة اعلمودج
موتتها ..
اذنوبي ؟
اذنوبي متودي لجهنم
لان جانت كلها منج ..
رجعي كل تعب التعبتة
رايد ارجع بية حيل ..
يللة رجعي الهيبة بية
عشت وي ناسي ذليل ..
رجعي بية احساس عذري
ربي ديني المستحيل ..
رجعي ذاك احساسي وينة
جنت ما تحجين افهمج ..
رجعي لون الشعر ليل وللوجه رجعيلي الاحمر ..
رجعي شو محد عرفني
لان لون الوجه اصفر ..
رجعي ثوبي امن التواضع
عمري ما لابس تكبر ..
رجعي كل ادروسي هسة
جنت متعوفيني اعلمج ..
رجعي كل احلامي هسة
رجعي كل احلامي بيج ..
جنت يوم الما تجيني
اني بحلامج اجيج ..
رجعي يوم البي شريتج
لوكف وما اشتريج ..
رجعي كل الي نطيتج والنطيتي راح ارجعة ..
لحظة خل اصفن اشوية
انتي بس مطيتني دمعة ..
يلله فتحيلي شليلج
كلشي منج راح اودعة ..
واخذي هجرج
واخذي غدرج
هذا جرحج
هذا سهمح
اني راح انساج هسة
اي نسيت
بله ذكريني شسمج

السابق
من هو مقتدى الصدر ؟ – صور خلفيات مقتدى الصدر
التالي
صور علم العراق للايفون

تعليقان

أضف تعليقا

  1. Guest قال:

    اشعار عراقيه عن الخيانه

  2. Guest قال:

    صور عتاب جديدة وقصيرة 2016

اترك تعليقاً