الشعر الشعبي العراقي

دارمي – دارميات عراقية

دارميات عراقية دارميات جديده دارميات عتاب دارميات غزل ابوذيات دارميات تحشيش دارميات حب دارميات رومانسية دارميات عراقية

تدري شكثر تشتاگـ
لطيوفك العين
ابكثر ماتشتاگـ
زينب للحسين
==============
تبقه بوسط هالروح
تبقه انته ظلعي
ولو أحسب الغالين
إنته اغله ربعي
==============
مو من مرضونيت
من كثر الفراگـ
صدگني گلبي اعليك
كل لحظة يشتاگـ
==============
و الحجر واهل البيت
و الكفل أخته
والله امن اعد اعزاز
أولهم انته
==============
رمش برمش شديت
مانامت العين
تسهر والك تشتاگـ
مطلوبة الك دين
==============
الولد لو فطموه
يبچيله يومين
بس انته من اتغيب
أبچيلك اسنين
==============
الدهر لوازاك
طگلك اجگيره
شتگدر تسوي اليوم
شنهو التغيره
==============
الدهر لو وازاك
إزرع طماطة
وازرع بصفها خيار
واشبع زلاطة
==============
كونك امرايه اصير
ومعلگينك
وكلما أمر اعليك
عيني بعينك
==============
نوم المخدة ايلوگـ
للباله خالي
ومنين اجيب النوم
وانته اعله بالي
==============
بجاه الله والعباس
وبجاه الحسين
يحفضك رب الكون
من نظرة العين
==============
صح انته عني ابعيد
من تحسب امتار
لاچن وسط هالروح
مبنيه الك دار
==============
وحدك سكنت الروح
وحدك معشش
بگليبي دور زين
دور وفتش
==============
بالگلب بالشريان
بنص روحي اخليك
حزب الله لو يرضون
نصر الله اسميك
==============
ضلمة ودرب عاثور
وهم حظر تجوال
أوصل واجيك ازحوف
واشكيلك الحال

إنته التضل بالروح
والباقي فلسين
حبك نبت بحشاي
أقسم بالحسين
==============
كون الگلب ينصاغ
محبس ودزه
يبقه إلك تذكار
لجل المعزة
==============
فخخت روحي اليوم
كل هذا لجلك
ولو مارضوا ينطوك
أنفجر بهلك
==============
كون انته هسه اهنا
كون انته يمي
كون انته بالشريان
توزعلي دمي
==============
متعجبه النسوان
براغب علامة
داخل حسن يسواه
ويسوه عمامة
==============
أهمس بإسمك دوم
فضحتني الاحلام
بطلت حته النوم
وبليلي مانام
==============
آسف يبعد الروح
تعذرني ريتك
عندي ظروف اهواي
بس مانسيتك
==============
الگلب ماينساك
بس هذا عيبه
صدگني من فرگاك
طلعتله شيبه
==============
هاك اخذ كلشي اتريد
شتريد اخذ هاك
هوه العمر فلسين
يسوه بلياك
==============
أهلا وسهلا بيك
حيل الگلب صاح
لو ماتلزمه اضلوع
من فرگتك طاح

وينك حبيب الروح
مشتاگـ اضمك
صح امشي بين الناس
بس روحي يمك
==============
إنته احله كل الناس
ياهو احله منك
حته الجمال اليوم
يسألني عنك
==============
صبح و عصر و غروب
و بهدوة الليل
وبكل دقيقة الروح
تشتاگلك حيل
==============
كون انگلب طلقات
وادخل بگلبك
واكتب على الشريان
دمرني حبك
==============
ظلمة وحظر تجوال
وامريكي بالباب
ولو تنگلب طلقات
أتعنه الاحباب
==============
ظلمة وحظر تجوال
واليطلع ايموت
بس اليحب اهواه
يتحده ويفوت
==============
ظلمة وحظر تجوال
والبطة تفتر
واليطلع ايصكوه
لو جده يحظر
==============
ظلمة وحظر تجوال
والشرطة تفتر
أوصل واجيك ازحوف
يالمعدنك در
==============
كون الگلب بي باب
تگدر تشوفه
ولو شفت غيرك بيه
حگك تعوفه
==============
ثاري البنات اهواي
مثل الچفافي
بيهن تخون ابساع
وبيهن توافي
==============
ثاري البنات اهواي
مثل الطماطة
بيهن تخيس ابساع
وبيهن زلاطة
==============
أگعد بتالي الليل
وادعي بصلاتي
ياربي بعد اهواي
شلي بحياتي
==============
من گلبي اخذ لحمات
خافنك اجوع
ولو مالگيت اشياش
شيش بالضلوع
==============
صحانته عني ابعيد
بس على بالي
واقرب إلي من الروح
حبك يغالي
==============
للموت اضل اوياك
مايوم املك
مابيه حيل افراگـ
من هسه اگلك
==============
تمرضت عشر امراض
واسهلهنالسل
ولو بعد عشر امراض
منك فلا مل
==============
گلبي اللي چانبخير
وبخير نبضه
من فرگتك سكراب
بالسوگـ اعرضه
==============
بين الگلب والروح
إهنا أخليك
واكتب خطر ممنوع
محد يمربيك
==============
ناسي ونسيت الناس
بس مانسيتك
ولو غبت عنالعين
بالدم لگيتك
==============
روحي وعيوني اوياك
والگلب يمك
يمشن سوه بشريان
دمي اويه دمك
==============
لوتدري هاي العين
شمسويه بيه
كل نظرة بيها اليوم
شفت المنية
==============
من الصبر مليت
والصبر ملني
ما أگدر بلياك
يمك دخلني
==============
الگمر من وجناك
شع وتنور
وحته الورد والياس
منك تعطر
==============
مو مشكلة النفطات
ولا مشكلة الماي
مشكلتي ياه الناس
ماشايف اهواي
==============
أسأل عليك الناس
وين انته غايب
الگلب من فرگاك
شاف المصايب
==============
أتمنه اصيرن طيف
بالليل اجيكم
حته ابقه طول الليل
حارس عليكم
==============
كلما يمر الليل
والنجم يظهر
أذكرك واشتاگـ
واتمنه تحظر
==============
روحي اويه روحك دوم
شذرة اويه محبس
مصيوغه الك مخصوص
الچفك وبس
==============
بالجنة منطبيت
الحور اجني
صحت آنه اريد اهواي
شلي بهذني
==============
عطشان اظل عطشان
واروه اعله شوفك
بطرانه هاي الناس
يردوني اعوفك
==============
أهلا وسهلا بيك
واكثر بشوفك
ولتفكر آنهبيوم
أگدر أعوفك
==============
أهلا وسهلا بيك
واكثر بملگاك
والگعده تحله اهواي
من نگعد اوياك
==============
أهلا وسهلا بيك
واكثر بالوياك
والگلب گبل العين
فز وتلگاك
==============
روحي سفينة شوگـ
وانته هواها
ولو فكرت تنساك
تغرگـ عساها
==============
مرتبط گلبي اوياك
والنبض منك
هم تظن يومانساك
واتخله عنك
==============
حسبالك آنه انساك
والكعبةغلطان
جوه الجلد موجود
يعني انته شريان
==============
إشتعل گلبيبنار
چي ماأشوفك
أنعل أبو الينساك
لابو اليعوفك
==============
كلما أريد انساك
تاخذني سكته
بالدنيه احب اثنين
بس الله وانته

دارميات شعريه رومانسيه – دارميات حب – دارميات عراقيه جديده – دارميات شعر شعبي عراقي

دارمي   دارميات عراقية

بالك يعزمك ذيب واخذ النصيحة
يعزم عليك ذياب وانت الذبيحة

شكثر جريت اذني وكلت انساك !@!
بطولك صارت اذني وما نسيتك !

عليك ابداعت اهللك سلم من اتفوت لاتخلي الشماته اتكول ناسيني

اه الندى البشفاك لو لامس شفاي
بالصيف اظل اسبوع ما اشرب الماي

اني الاناني اوياك بس اني واني
لو كون أحب اثنين هم انته ثاني

بكل جرح منك أرتجل بيت
خصة أخر جرح سواني سياب

مطارده في الدارميات – مطاردة دارميات – مطارده شعريه شعر شعبي عراقي

يالتنشد اعلى الحال هذا انه حالي
راعي بحلال الجان راعي بحلالي

يالتنشد عالحال اسكت ولاتكول
اني الانظم ابيات هسة اصبحت منقول

يالتنشد اعله الحال هم شفت حالي
ما اظن ابد تلكاه حته ابخيالي

يالتنشد اعلى الحال خليهة سكته
تسأل على المكتول والكاتل انته

واللي خلق يَسوس آني بريئة
انتو اللذي تكتلون ماني جريئة

نكتل ابلايه سلاح بس لحض العيون
بس انتو يا ستار كلسا تذبحون

مانذبح ولانريد من يذبح الناس
اخلاقنا من حسين وسيدنا عباس

وصانا ابو الحسنين نتعامل بحب
وكل احنا اخوة نكون ويحفظكم الرب

دارمي   دارميات عراقية

دارمي   دارميات عراقية

السابق
تفسير لحم الفيل في المنام و اكل لحم فيل في الحلم
التالي
تفسير الشحم في الحلم رؤية الشحم في المنام

اترك تعليقاً